«Әкесінің көшірмесі»: Алтынай Жорабаева екі жасқа толған қызын көрсетті

Белгілі әнші Алтынай Жорабаева әлеуметтік желідегі парақшасында кенже қызының видеосын жариялап, көпшілікті елжіретті. Өнер иесі бүлдіршінінің туған күнін атап өтіп, жүрекжарды тілегін арнады, деп хабарлайды Politico.kz

Әншінің айтуынша, қызы Амина Алишерқызы екі жасқа толған.

«Амина Алишерқызы 2 жасқа толды, Аллаға шүкір. Алланың сүйген құлы бол, балапаным. Мықты денсаулық, ұзақ ғұмыр, екі дүниенің абыройы мен бақыты бұйырсын», — деп жазды Алтынай Жорабаева.

Желі қолданушылары видеодан кішкентай Амиданың әкесіне қатты ұқсайтынын байқап, жылы пікірлерін жарыса жазды.

«Күйеуінің жүзі жылы, жақсы адам екені көрініп тұр», «Әкесінің нағыз көшірмесі», «Әкесінен аумай қалыпты», «Ғұмырлы болсын, өмір жасы ұзақ болсын», «Бақытты отбасы, көз тимесін» деген ізгі тілектер мен құттықтаулар көптеп жазылуда.

Өнер иесінің отбасылық сәті желіде жағымды эмоция сыйлап, көпшіліктің ыстық ықыласына бөленді.