“Алапат өрт”: Тосыннан басталған өрт адамдардың өмірін жалмады

Измирде өрттен бір адам қайтыс болды, деп хабарлайды POLITICO.KZ.

Түркияның Измир аймағына қарасты Өдеміш ауданында кеше кешке басталған орман өрті тұрғын үйлерге жетті.

Өрт сөндірушілер өртенген бір үйден 80 жастағы адамның денесін тапты.

Түркияның ішкі істер министрі Измирде тілсіз жаудан 110 үй мен 2 жұмыс орны зардап шеккенін хабарлады.

Қазір орман өрті болып жатқан аймақтан тұрғындарды көшіру жұмыстары жүріп жатыр. Олар уақытша контейнер үйлерге орналастырылған.