Алматы облысында белгісіз зат жарылды: үш адам мерт болды

Алматы облысының Іле ауданындағы темір қабылдау пункттерінің бірінде белгісіз заттың жарылуы салдарынан үш адам мерт болды, деп хабарлайды КазТАГ.

Полиция департаментінің хабарлауынша, оқиға орын алған жерден үшеуінің мәйіттері өмір белгілері жоқ күйінде табылған.

Оқиға орнына дереу полиция, өрт сөндірушілер және жедел медициналық жәрдем бригадасынан құралған шұғыл қызметтер жеткен. Аталған факті бойынша қылмыстық іс қозғалды.

«Қазіргі уақытта оқиғаның себептері мен мән-жайларын анықтау үшін сотқа дейінгі тергеу амалдары жүргізіліп жатыр. Барлық процессуалдық шаралар заң талаптарына сәйкес жүзеге асырылуда», - деп хабарлады Алматы облысы полиция департаментінің баспасөз қызметі.

#Алматы облысы #Қайғылы жағдай