Алматыда электросамокаттарға уақытша тыйым салу ұсынылды

Алматыда электросамокаттарға уақытша тыйым салу ұсынылды, деп хабарлайды POLITICO.KZ.

Бұл бастаманы Алматы қалалық мәслихатының депутаты Құсайынов Бейбіт Болатұлы көтерді. Депутаттың айтуынша, мұндай шектеу қала инфрақұрылымы осы көлік түрін қауіпсіз пайдалануға толық дайын болғанға және жүргізушілер арасында жауапты жүргізу мәдениеті қалыптасқанға дейін қажет.

Бұл ұсыныс соңғы кездері самокаттардың қатысуымен болатын жол-көлік оқиғаларының көбеюіне және тұрғындардан түскен көптеген шағымдарға байланысты жасалып отыр.

Осыған байланысты, депутат қалада электросамокаттарды пайдалануға мына шарттар орындалмайынша уақытша тыйым салуды ұсынды:

• Арнайы тұрақтар орнатылмайынша;
• Қауіпсіз веложолақтар салынбайынша;
• Жалға беру және жүргізудің нақты ережелері қабылданбайынша.

Депутаттың пікірінше, тек осындай кешенді шаралар ғана қаланы барлық тұрғын үшін қауіпсіз әрі ыңғайлы ете алады.

View this post on Instagram

A post shared by Құсайынов Бейбіт Болатұлы (@beibut_kussainov)