Алматыда газ құбыры жарылып, көлікті аударып жіберді

АЛМАТЫДА ГАЗ ҚҰБЫРЫ ЖАРЫЛЫП, КӨЛІК АУДАРЫЛЫП КЕТТІ

16 шілде, Алматыда таңғы сағат 11:25 шамасында Алматы қаласында орналасқан Бұқар Жырау мен Байзақов көшелерінің қиылысында газ құбыры жарылып, салдарынан бір автокөлік ауаға ұшып, аударылып түсті. Абырой болғанда, адам шығыны жоқ.

Куәгерлердің айтуынша, жарылыс толқыны соншалықты күшті болғаны көлік бірнеше метрге көтеріліп, қайта жерге құлаған. Жарылыс кезінде "СантехКомплектГрупп" ЖШС мердігер ұйымы жаңа газ желісін сынақтан өткізіп жатқан.

Ал "QazaqGaz Aimaq" компаниясы жағдайға байланысты мәлімдеме жасап, жағдай бақылауда екенін айтады.

Төтенше жағдайлар қызметі оқиға орнына жедел жетіп, қауіпсіздік шараларын қолға алған. Қазіргі таңда жарылыстың нақты себебі анықталуда.