Алматыда пәтерден өрт шығып, 67 жастағы әйел ауруханаға түсті

30 тамыз 2026, 13:30 974

Алматының Бостандық ауданында көпқабатты тұрғын үйден өрт шығып, 67 жастағы әйел ауруханаға жеткізілді, деп хабарлайды Politico.kz.

Оқиға Мынбаев көшесінде болған. Алдын ала мәлімет бойынша, өрт екінші қабаттағы пәтердің балконынан басталған.

Тілсіз жау кейін тұрғын үйге жапсарлас орналасқан көкөніс дүңгіршегіне және үшінші қабаттағы пәтердің балконына тараған.

Құтқарушылар өртті дер кезінде оқшаулап, толық сөндірді. Екінші қабаттағы пәтерден 1959 жылы туған әйел медициналық мекемеге жеткізілді.

Қазіргі уақытта өрттің шығу себебі мен мән-жайы анықталып жатыр.

Алматы Зейнеткер ТЖМ Тұрғын үй өртенуі өрт сөндіруші

Бізді Google-дың негізгі дереккөздер тізіміне қосыңыз