«Алматыда түрмеде екі адам өз-өзіне қол жұмсады»: ҚАЖК мән-жайды түсіндірді

Қылмыстық-атқару жүйесі комитеті Алматыдағы колониялардың бірінде екі сотталғанның қаза болғаны туралы әлеуметтік желіде тараған ақпаратқа түсініктеме берді, деп хабарлайды Politico.kz.

Бұған дейін EGOV.PRESS Telegram-арнасында екі сотталушының қайтыс болғаны туралы ақпарат жарияланған еді.

«Әлеуметтік желілерде Алматыдағы қауіпсіздігі барынша төмен мекемеде екі сотталушының бірінен соң бірі өз-өзіне қол жұмсағаны жазылуда», – делінген жазбада.

Қылмыстық-атқару жүйесі комитеті тілшімізге бұл ақпаратты жоққа шығарды.

«Алматыдағы мекемелерде екі сотталушыныцң суицид жасағаны туралы тараған ақпарат шындыққа сәйкес келмейді. Алматы қаласындағы қылмыстық-атқару жүйесінің мекемелері жалпы жүйе секілді штаттық режимде жұмыс істеп тұр. Жағдай тұрақты», – деп хабарлады ҚАЖК тілшімізге.

Ведомство көрінеу жалған ақпарат таратқаны үшін жауапкершілік қарастырылғанын еске салып, азаматтарды тек ресми әрі сенімді дереккөздерге сүйенуге шақырды.