Алматыдағы депо бастығы ұсталды ма – ҰҚК жауап берді

9 маусым 2026, 10:32 702

Алматыдағы депо бастығы ұсталды ма – ҰҚК жауап берді — Иллюстрация/Фото: © Абзал Бахытжанов / Politico.kz

Алматы қаласындағы «Қазақстан темір жолы» ҰК» АҚ филиалы — «Алматы пайдалану вагон депосы» филиалының директорына қатысты сотқа дейінгі тергеу амалдары жүріп жатыр, деп хабарлайды Politico.kz.

Бұл ақпаратты Ұлттық қауіпсіздік комитеті Politico.kz-тің ресми сауалына берген жауабында растады.

«Сотқа дейінгі тергеп-тексеру жүргізіліп жатқанын хабарлаймыз. Қылмыстық-процестік кодекстің 201-бабының 1-тармағына сәйкес өзге ақпарат жария етуге жатпайды», – делінген жауапта.

БАҚ-та Алматы қаласындағы «Қазақстан темір жолы» ҰК» АҚ филиалы — «Алматы пайдалану вагон депосы» филиалының директоры К. Аманбаевтың 110 млн теңге көлемінде пара алды деген күдікпен жұмыс орнында ұсталып, уақытша ұстау изоляторына қамалғаны туралы ақпарат тараған еді.

Кейіннен бұл ақпаратты «Қазақстан темір жолы» ұлттық компаниясы ресми түрде растады.

Алматы пайдалану вагон депосы Алматы қаласы ҚТЖ ҰҚК

Бізді Google-дың негізгі дереккөздер тізіміне қосыңыз

Қосу

Алматыдағы депо бастығы ұсталды ма – ҰҚК жауап берді

Соңғы жаңалықтар