АҚШ делегациясы Алматыға келді

Алматы қаласына АҚШ Президентінің Оңтүстік және Орталық Азия бойынша арнайы өкілі Серджио Гор мен АҚШ Мемлекеттік хатшысының орынбасары Кристофер Ландау жұмыс сапарымен келді, деп хабарлайды POLITICO.KZ.

Сапар бағдарламасына сәйкес, жоғары мәртебелі қонақтар қазақстандық тараппен екіжақты қарым-қатынастарды, сондай-ақ халықаралық және өңірлік күн тәртібіндегі өзекті мәселелерді талқылайтын кездесулер өткізеді деп жоспарлануда.

Ресми кездесулерден бөлек, америкалық делегация Алматының мәдени нысандарымен танысты. Олар Заманауи өнер мұражайында, Шымбұлақ тау-шаңғы курортында және Медеу мұз айдынында болды.

Мәртебелі қонақтарға сапар барысында Қазақстан Республикасы Президенті Әкімшілігінің Басшысы Айбек Дәдебай еріп жүрді.