АҚШ-тың жаңартылған санкциялар тізіміне Қазақстан компанияcы енді

АҚШ Сауда министрлігі санкциялар тізімін жаңартып, оған тағы 123 компанияны қосты. Бұл туралы АҚШ Үкіметінің ресми құжаттардың федералдық тізілімінде жарияланған хабарламасында айтылған. Тізімге Алматы қаласында тіркелген қазақстандық компания – түрік компаниясының All Global Trading Elektronik Dis Ticaret Ltd Sti өкілдігі кірді. Ашық ақпарат көздеріне сәйкес, негізгі қызмет түрі – электр жабдықтарын, сымдар мен микросұлбаларды көтерме саудада өткізу. Сондай-ақ құжатқа 64 ресейлік, 42 қытайлық, 11 ирандық, 8 түрік компаниясы, Канада, Кипр, Қырғызстан, Украина және БАӘ елдерінен бір-бір ұйым кірді.