"Ақша бергені жақсы еді": Блогердің сыйлығы халықты таңғалдырды

Белгілі қазақстандық блогер-миллионник Анеля Кенжібекова 23 жасқа толған туған күнін қалай атап өткенін көрсетті, деп хабарлайды POLITICO.KZ.

Ол Instagram парақшасында видео жариялады. Кадрларда жас жігіттер оның үйіне бірінен соң бірі 5001 раушан гүлін кіргізіп жатқанын көруге болады. Алайда мұндай ерекше сыйлықты кім жасағаны белгісіз.

"Сені бақытты ету үшін бар күшімді саламын!" – деп жазды Кенжібекова әлеуметтік желіде.

Сыйлық желі қолданушыларының қызу талқысына түсті. Кейбіреулер мұны романтикалық қадам деп бағаласа, енді бірі "гүлдің орнына ақшалай сыйлық әлдеқайда пайдалы болар еді" деген пікір білдірді.