Ақтауда көлік балалар алаңына соғылды

Ақтауда 29-шағын аудандағы балалар алаңында болған жол-көлік оқиғасы салдарынан бір бала жарақат алды, деп хабарлайды POLITICO.KZ.

Оқиға 22-үйдің жанында орын алған. Mercedes-Benz және Hyundai Accent маркалы көліктер соқтығысып, соққының қатты болғаны соншалық, Hyundai көлігі балалар алаңына шығып кеткен.

Сол уақытта алаңда ойнап жүрген бала жарақат алып, балалар ауруханасына жеткізілді.

«Mercedes-Benz көлігінің жүргізушісіне ҚР ӘҚБтК-нің 610-бабы бойынша әкімшілік хаттама толтырылды. Көлік айып тұрағына қойылды», – деп мәлімдеді Маңғыстау облысының Полиция департаменті.