Ақтаудағы энергетика комбинатында жұмысшы қаза болды

Ақтау қаласындағы МАЭК энергетика комбинатында қайғылы оқиға орын алды. 23 желтоқсан күні шамамен сағат 16:00-де жөндеу цехының шебері жұмыс барысында құбырдың құлауы салдарынан қаза тапты, деп хабарлайды POLITICO.KZ, Lada.kz сайтына сілтеме жасап.

Маңғыстау облыстық полиция департаменті оқиғаға қатысты түсініктеме берді. Қазіргі уақытта қауіпсіздік ережелерін бұзу дерегі бойынша қылмыстық іс қозғалғанын хабарлады.

– Қауіпсіздік ережелерін бұзу фактісі бойынша қылмыстық іс қозғалды. Арнайы сараптама тағайындалды, тергеу жұмыстары жүргізілуде, – деп мәлімдеді полицияның баспасөз қызметі.