Ақтөбе облысында әскери бөлім басшысы өз-өзіне қол жұмсады

Ырғыз аудандық қорғаныс істері жөніндегі бөлімнің басшысы өз-өзіне қол жұмсады, деп хабарлайды POLITICO.KZ.

Ақтөбе облысы бойынша қорғаныс істері жөніндегі департаменттің уақытша басшысы, подполковник Рустем Таласовтың айтуынша, оқиға 8 желтоқсанда орын алған. Қайғылы жағдай қызметтік орында тіркелді. Алдын ала мәліметтерге сәйкес, оқиға әскери қызметке байланысты емес.

«Ағымдағы жылдың 8 желтоқсанында қызмет өткеру орны бойынша Ақтөбе облысы Ырғыз ауданының қорғаныс істері жөніндегі бөлімінің бастығы өз-өзіне қол жұмсады. Алдын ала ақпарат бойынша, болған оқиға әскери қызмет өткерумен байланысты емес», – деді Рустем Таласов.

Тергеу амалдары жүргізіліп жатыр. Жағдайдың толық мәліметтері алдағы уақытта жарияланады.