Ақтөбе облысында ауыл әкімі өзіне қол жұмсамақ болды

Ақтөбе облысында ауыл әкімі өзіне қол жұмсамақ болды

Ақтөбе облысының Бестамақ ауылдық округінің әкімі Қанат Дәулеталин 7 шілде күні өз-өзіне қол салуға оқталған. 47 жастағы шенеунік ауыр хәлде Алға аудандық ауруханаға жеткізіліп, дәрігерлердің жедел көмегінің арқасында аман қалды. Бұл мәліметті Алға ауданының әкімі Асланбек Шүйіншәлиев растады.

Облыстық денсаулық сақтау басқармасы қазіргі таңда Қанат Дәулеталиннің жағдайын тұрақты деп бағалап отыр. Әкім жалпы палатада ем қабылдап жатыр.

Бұл оқиға қоғам назарын аудармай қоймады. Қазір аталған жайт бойынша полиция Қылмыстық кодекстің 105-бабы «Өзін-өзі өлтіруге итермелеу» бабы бойынша сотқа дейінгі тергеу жүргізіп жатыр.

Оқиғаның нақты себебі әзірге белгісіз. Құзырлы органдар тергеу нәтижесі бойынша қосымша ақпарат беретінін мәлімдеді.