Ақтөбеде мас күйдегі автобус жүргізушісі жолаушылардың өмірін қауіпке тікті

Ақтөбеде мас күйінде автобус жүргізген жүргізуші ұсталды, деп хабарлайды POLITICO.KZ.

Облыстық полиция департаментінің мәліметінше, тәртіп сақшылары патрульдеу кезінде автобус жүргізушісінің күдікті әрекетін байқаған. Полицейлер оны тоқтатып, медициналық тексеруге жіберген. Сараптама жүргізушінің мас екенін растады.

Жүргізушіге қатысты әкімшілік хаттама толтырылып, автобус арнайы тұраққа қойылды.

«Жолаушылардың өміріне қауіп төндірген жүргізушіге әкімшілік қамауға алу және жүргізуші куәлігінен 7 жылға дейін айыру жазасы қолданылуы мүмкін», – деп хабарлады департаменттің баспасөз қызметі.