Армения ҰҚШҰ-дан шығып кетсе де, ұйым жұмысын жалғастырады — ҚР СІМ

  ҚР СІМ Армения ҰҚШҰ-ға мүшелігін тоқтату жайында ресми хабар таратпағанын мәлімдеді. "Ұйым оған мүше елдердің бірі қатысуын тоқтатып жатса да, әрине, өзінің әрі қарайғы қызметін жалғастыра береді. Ұйымды құратын шартта жаңа мүшелердің кіруі және қазіргі мүшелердің шығуы туралы барлық шарттар жазылған. Менің білуімше, Армения ұйымға қатысуын уақытша тоқтату үшін ешқандай құқықтық қадамдар жасаған жоқ. Қазір Қазақстан өкілі ҰҚШҰ-ның Бас хатшысы екені белгілі. Қазақстан, біздің ойымызша, қауіпсіздік саласындағы өте маңызды ұйымды нығайтуға барынша тырысады", — деді СІМ өкілі.