Әскери киімдегі адам жылқыны атып өлтірді

Әлеуметтік желіде әскери киімдегі адамның жылқыны атып өлтірген видеосы тарап, қызу талқыға түсті, деп хабарлайды POLITICO.KZ.

Көптеген дереккөздің хабарлауынша, оқиға оккупацияланған Украина аумағында болған және видеодағы адам ресейлік сарбаз болуы мүмкін. Кадрларда сарбаздың жылқыны қуып жетіп, оған бірнеше рет оқ атқаны көрінеді. Жануар алғашқы оқтан кейін құламай, біраз уақыт жан тәсілім етеді. Жалпы, жылқыға төрт рет оқ атылған.

Бұл жағдайға қатысты желі қолданушылары түрлі болжам айтуда. Бірі мұны ермек үшін жасалған қатыгездік десе, енді бірі сарбаз азық табу мақсатында осындай қадамға барған болуы мүмкін деп санайды.

Дегенмен, видеоның өзінде оқиғаның нақты не себепті болғаны туралы ешқандай ақпарат жоқ.