Астанада 80 мың теңге үшін адам ұрлаған шетелдіктер сотталып кетті

Астана қаласының соты Орталық Азия мемлекеттерінің бірінен келген алты азаматқа қатысты үкім шығарды. Олар елорда аумағында адам ұрлап, бопсалаумен айналысқан, деп хабарлайды Politico.kz.

Тергеу мәліметтеріне сәйкес, қылмыстық оқиға 2024 жылы желтоқсада басталған. Топ мүшелерінің бірі жәбірленушіден орындалмаған қызмет үшін ақша талап етіп, күш қолдану арқылы 80 мың теңге аудартқан.

Кейін алдын ала сөз байласқан адамдар тобы пайдакүнемдік ниетпен күш қолдану арқылы жәбірленушіні Астана қаласының аумағында ұрлап әкеткен.

5 адам алдын ала сөз байласып, пайдакүнемдік ниетпен адам ұрлағаны үшін 8 жылға бас бостандығынан айырылды. 1 адам қылмысқа көмектескені және өз бетінше билік еткені үшін 7 жыл 6 айға сотталды.

Үкім 2026 жылдың 5 ақпанында күшіне енді.

Айта кетейік, адам ұрлағаны үшін заңнамада 15 жылға дейін, ал өз бетінше билік еткені үшін 7 жылға дейін бас бостандығынан айыру жазасы көзделген.

Адам ұрлау Астана Сот үкімі шетелдіктер

Астанада 80 мың теңге үшін адам ұрлаған шетелдіктер сотталып кетті

Соңғы жаңалықтар