Астанада көлік жарылысынан зардап шеккен бес адамның жағдайы ауыр

1 маусым 2026, 15:14 1063

Астанада көлік жарылысынан зардап шеккен бес адамның жағдайы ауыр — Фото: видеодан скриншот

Астанада жеңіл автокөліктің өртенуі салдарынан зардап шеккен бес адам ауруханаға жеткізілді. Олардың арасында бір бала бар.

Қалалық Қоғамдық денсаулық сақтау басқармасының мәліметінше, төрт ересек адам №1 көпсалалы қалалық ауруханаға, ал бала №2 көпсалалы балалар ауруханасына жатқызылған.

Дәрігерлердің айтуынша, барлық зардап шеккендердің жағдайы ауыр, бірақ тұрақты. Қазіргі уақытта оларға қажетті медициналық көмек көрсетіліп жатыр.

Оқиға Қасым Аманжолов көшесінде болған. Жол бойында тұрған жеңіл автокөлік өртеніп, оқиға орнына өрт сөндірушілер мен Апаттар медицинасы орталығының қызметкерлері жедел жеткен.

Алдын ала мәлімет бойынша, құтқарушылар келгенге дейін көлікте газ-ауа қоспасының жарылысы болып, артынша өрт шыққан. Жалын маңайда тұрған бірнеше көлікке де зақым келтірген.

Оқиғаның нақты себептерін мамандар анықтап жатыр.

Астана Денсаулық Жарылыс жеңіл көлік

Бізді Google-дың негізгі дереккөздер тізіміне қосыңыз

Қосу

Астанада көлік жарылысынан зардап шеккен бес адамның жағдайы ауыр

Астанада жеңіл автокөліктің өртенуі салдарынан зардап шеккен бес адам ауруханаға жеткізілді. Олардың арасында бір бала бар.

Соңғы жаңалықтар