Астанада велосипедтен құлаған әйелді көлік қағып кетті

30 тамыз 2026, 15:40 1145

Астанада велосипедтен құлаған әйелді көлік қағып кетті — Фото: Әлеуметтік желіден

Астананың Кирпичный ауданында қайғылы жол-көлік оқиғасы болып, 46 жастағы әйел қаза тапты, деп хабарлайды Politico.kz.

Оқиға шамамен сағат 22:50-де Жолымбет және Бестөбе көшелерінің қиылысында болған.

Алдын ала мәлімет бойынша, әйел Жолымбет көшесінің бойындағы тротуармен велосипедпен келе жатқан. Бестөбе көшесіне жақындаған кезде ол көлікті басқара алмай, жолға құлап кеткен. Сол сәтте оның үстінен өтіп бара жатқан «Газель» автокөлігінің артқы дөңгелегі басып кеткен.

Әйел алған жарақаттарының салдарынан оқиға орнында көз жұмды.

Полиция бұл факті бойынша қылмыстық іс қозғады. Қазір жол апатының барлық мән-жайы анықталып жатыр.

Оқиғаға қатысты өзге ақпарат тергеу барысында белгілі болады.

«Бернлидегі» Дастан Сәтпаев тағы да ағылшындардың ықыласына бөленді

Жезқазған мен Сәтбаевта жаңа үйлердің іргетасы құйылды

Астана велосипед Жол апаты Полиция әйел адам

Бізді Google-дың негізгі дереккөздер тізіміне қосыңыз

Қосу