Астанадағы түнгі клубта болған төбелес адам өлімімен аяқталды

Елордадағы түнгі клубтардың бірінде келушілер арасында болған жанжал 19 жастағы жігіттің өліміне әкеп соқты, деп хабарлайды POLITICO.KZ.

Алдын ала мәлімет бойынша оқиға 7 қыркүйек жексенбі күні болған, демалушылар арасында басталған жанжал артынша төбелеске ұласқан. Төбелес кезінде оның қатысушыларының бірі пышақ қолданып, қарсыласына ауыр жарақат салған.

Зардап шеккен 19 жастағы жігіт алған жарақатынан оқиға орнында көз жұмды.

Полиция қызметкерлері күдіктіні анықтап, уақытша ұстау изоляторына қамады. Қазіргі уақытта оқиғаның барлық мән-жайы мен себептері анықталу үстінде.