АТА ТАРИХ ТУРАЛЫ ҮЗІК ОЙ

  Соның бірі - көне діни наным-сенімді құрметтеу. Оны біздің ұлы тарихымыз деп бағалау. Алайда, қазірше ислам бізді ол тарихтан бас тартуға, оны жабайы етіп көрсетуге әрекеттенуде. Сондықтан, оны (көне тәңірлік наным-сенімді) қорғау қажеттілігі туындады. Зиялылар оны өз міндетіне алуда. Бұл барлық өркениетті елдерге тән құбылыс. Ал, қазіргі қазақстандық ислам идеологиясы бізде шет елден басқарылуда ма деген күдікті сұраққа жауап берілмей жатыр. Сол себепті Ұлттық мүдде "дін мүддесі" көлеңкесінде қала бастады. Мүндай "Ұлтсыздану" біз үшін аса қауіпті. Егер, қытайлар секілді бәр млрдтан ассақ - онда еш әңгіме болмас еді... Ал, қазір Ұлт болмысын қызғыштай қору керек. Ол көне салт-дәстүрден тұрады. Ал оның көбі қазіргі ислам канондарымен сәйкес келе бермейтінін - дін өкілдері өздері мойындайды. Ендеше, дін ондай ұлттық дәстүрді қараламауы керек, халықтың дүниетанымына қарсы шықпауы керек. Бірақ діни фундаментализм оған бейімделетін емес әзірге... Араб әлемі мен мәдениетін со қалпы, өзгертусіз, көбіне орта ғасырлық қалыпта тықпалаумен жүр. Оны халық мойындағысы келмейді- заман мен ғылым-білім алға кетіп қалды. Айтыс осы төңіректе жүруде. Жалпы, дін өзінің ішкі мәселелерін талқылауды қоғам санасынан тыс жүргізуі керек. Оған орын жеткілікті. Халықты өз болмысымен, өз дәстүрі мен мәдениетімен өзіне қалдырған жақсы. Сонда ғана Унитарлы мемлекет боламыз. Болмаса, келер ұрпақ "араб-мұсылман конфедерациясына енуіміз керек" деп, тәуелсіздіктен өз еркімен бас тартуы да мүмкін... Ә.Бәкірұлы