Автобус жантүршігерлік жағдайда апатқа ұшырады: 12 адам мерт болды

Индонезияда автобус аударылды, деп хабарлайды POLITICO.KZ. 

Индонезияда жолаушылар автобусы аударылып, 12 адам қайтыс болды. Оның ішінде балалар, тағы 25 адам жарақат алды. 

Қайғылы оқиға Батыс Суматра провинциясының әкімшілік орталығы Паданг қаласында болған. Меданнан Джакартаға бара жатқан жолаушылар автобусы жолдың тік аймағында аударылды. 

Алдын ала мәліметтер бойынша, жүргізуші тежегіштің істен шығуына байланысты көлікті басқара алмай қалды. Автобус аударылып, жолаушылардың бір бөлігі корпустың астында қалып қойды. Полиция әлі нақты қорытынды жасамады және оқиғаның нақты себебін анықтауды жалғастыруда.

Жергілікті биліктің ақпаратына сәйкес, 12 адам, оның ішінде екі бала қайтыс болды. Тағы 25 адам әртүрлі дәрежеде жарақат алды. Зардап шеккендердің он үшеуі ауыр жағдайда, жүргізуші де ауыр жағдайда. Жараланғандардың барлығы жақын маңдағы екі ауруханаға жеткізілді.