Бақытжан Базарбек Алатау қаласына әкім болғысы келе ме?

Мәжіліс депутаты Бақытжан Базарбек журналситердің «Алатау қаласының әкімі болғысы келе ме?» деген сұрағына жауап берді, деп хабарлайды Politico.kz.  

Бақытжан Базарбек депутаттық мандаты аяқталмағанын айтты.

«Әлі саяси науқанға қатысып, өз-өзімізді көрсетеміз. Мәселе әкім болып барғым келеді дегенде емес. Халық мені қай жақта көріп отыр?», – деді ол.

Сондай-ақ депутат Amanat партиясына өткені туралы әңгімеге қатысты пікір білдірді.  Айтуынша, партиямен тікелей жұмыс істеп жатыр, алайда қай партияға өтетінін жазда шешеді.

«Мен Amanat партиясымен тікелей жұмыс істеп жатырмын. Ол мәселені жазда шешемін. Amanat партиясына өткен-өтпегенімді әзірге айта алмаймын. Ол жазда шешіледі», – деді Базарбек.

Айта кетейік, Парламент палаталарының бүгінгі бірлескен отырысында жаңадан құрылатын Алатау қаласының мәртебесі талқыланады.