«Бәйтерек» экономикаға 8 трлн теңге инвестиция салмақ

«Бәйтерек» холдингі 2025 жылы экономикаға 8 трлн теңге инвестиция салмақ

2025 жылы Қазақстан экономикасын қолдауға «Бәйтерек» холдингі 8 триллион теңге көлемінде қаржы бағыттамақ. Бұл туралы Премьер-Министр Олжас Бектенов Парламент палаталарының бірлескен отырысында мәлімдеді.

«Осы мақсатта біз «Бәйтерек» холдингін 1 трлн теңгеге қосымша капиталдандырамыз. Қазіргі бюджеттік шектеулер жағдайында бұл – күрделі, бірақ орындалатын міндет», – деді Үкімет басшысы.

Өткен жылы холдинг тарапынан 4 трлн теңге инвестиция құйылған болатын. Келесі жылы бұл көрсеткіш екі есе ұлғаймақ.