«Бұл үшін ұялмаймын»: Бердібек Сапарбаевтың ұлы өзін сынағандарға жауап берді

15 қаңтар 2026, 12:51 1117

«Бұл үшін ұялмаймын»: Бердібек Сапарбаевтың ұлы өзін сынағандарға жауап берді — Фото: zhansultan_saparbayev/instagram

Танымал мемлекет және қоғам қайраткері, марқұм Бердібек Сапарбаевтың ұлы Жансұлтан Сапарбаев әлеуметтік желідегі парақшасында ерекше жазба жариялады, деп хабарлайды Politico.kz.

Айтуынша, бала күнінен бері оны «әкесінің баласы» деп атайды екен. Ол өзінің жазбасымен «әкесінің баласы» дейтіндерге жауап берді.

«Мені бала күнімнен бері әртүрлі атап келді.
«Әкесінің баласы».
«Алтын жастардың өкілі».
«Сенің жай ғана жолың болды».

Мен бұған ешқашан қарсы шыққан емеспін.
Иә, мен — әкемнің ұлымын.
Және мен бұл үшін ұялмаймын.

Алайда уақыт өте келе бір ақиқатты түсіндім:
біреудің ұлы болу — артықшылық емес.
Бұл — жауапкершілік.

Әкесінің атына кір келтірмеу жауапкершілігі.
Адам болып қалу жауапкершілігі.
Өз жолыңмен жүру, өз өміріңді сүру жауапкершілігі.

Бәріміз де біреудің баласымыз.
Мәселе онда емес.
Мәселе — сенің кім болатыныңда», - деп жазды ол.