Бұрынғы әкім жүргізуші куәлігінсіз көлік жүргізгені үшін жаза алды

Жүргізуші куәлігінсіз көлік айдаған бұрынғы әкім 10 күнге қамауға алынды

Ақмола облысы Зеренді аудандық сотының мәліметінше, Викторовка ауылдық округінің бұрынғы әкімі Виктор Рукавишников жүргізуші куәлігінсіз көлік айдағаны үшін қамауға алынды, деп хабарлайды POLITICO.KZ.

2024 жылдың ақпан айында Рукавишников ішімдік ішкен күйде көлік басқарғаны үшін жеті жылға жүргізуші куәлігінен айырылған болатын. Алайда ол бұл шектеуге қарамастан, қайтадан рөлге отырған.

Сот барысында бұрынғы әкім өз кінәсін толық мойындады.

«Сот қаулысымен Рукавишников әкімшілік құқық бұзушылық жасағаны үшін кінәлі деп танылып, оған 10 тәулікке қамауға алу түріндегі әкімшілік жаза тағайындалды», – делінген сот хабарламасында.

#Ақмола облысы