Динара Сәтжан: «Қазақстанға сырттан кеңес қажет емес»

Қазақстандық журналист және тележүргізуші Динара Сәтжан елден әлдеқашан көшіп кеткен отандастарының шет елде жүріп Қазақстанды сынайтынына ренішін білдірді. Бұл туралы ол өзінің инстаграм парақшасына жазған.

«Қазақстанға сырттан кеңес қажет емес. Кеттің бе – өз өміріңді сүр. Қазақстан өзгеріп жатыр, өз мәселелерін өзі шешеді. Егер сізді біздің мәселелер сонша алаңдатса, елде қалып, бір нәрсені өзгертуіңіз керек еді?», - деп жазды ол.

Тележүргізушінің сөздері желіде қызу талқыланып жатыр. Біреулер оны қолдайтынын айтса, енді біреулер “бұл бай-бағланның айтатын әңгімесі емес” деп пікір қалдырған.