Динара Зәкиева бала психикасын бұзатын ойындар тізімін жариялады

Қазақстандағы бала құқығы жөніндегі уәкіл Динара Зәкиева Instagram-дағы парақшасына балаларға қауіпті кітаптар, онлайн ойындар мен топтардың тізімін жариялады. Тізімде «Көк кит», «Қаш немесе өл» сияқты топтар көрсетілген. Ол ата-аналар чаттарына таратылды.

Балалардың құқығын қорғау комитеті барлық мектеп чатына қауіпті топтар мен кітаптардың тізімін, сондай-ақ назар аудару керек белгілер мен балаларды түрлі қатерлерден қорғау үшін көмекке жүгінуге болатын қызметтердің байланыс мәліметтерін қамтитын ескертуді жіберді, - деп жазды Динара Зәкиева.

Сондай-ақ ол ата-аналарға балаларының жедел қызметтер мен сенім телефондарының нөмірлерін жаттап алғанына көз жеткізуі маңызды екенін атап өтті. Балалардың өмірге қауіпті жағдайларда қалай әрекет ету керектігін түсінгені де аса қажет.

балалар Динара Зәкиева Көк кит ойын Қаш немесе өл

Динара Зәкиева бала психикасын бұзатын ойындар тізімін жариялады

Соңғы жаңалықтар