Джеки Чан «Доспехи Бога» фильмінің жалғасын Қазақстанда түсіреді

Әлемге әйгілі актер Джеки Чан алғаш рет Қазақстанға келіп, өзінің көпшілікке таныс «Доспехи Бога» фильмінің жалғасын түсірмекші, деп хабарлайды Politico.kz.

Бұл жолы кинодағы басты шытырман оқиғалар біздің елде өтеді. Ауқымды жобаның келуі Орталық Азия киноиндустриясы үшін маңызды жаңалық саналады әрі Қазақстанның халықаралық кино түсіру алаңы ретіндегі мүмкіндігін байқатып, мемлекетті әлемдік аренада танытуға жол ашады.

Бұл туралы хабарламада түсірілім жұмыстары Мәдениет және ақпарат министрлігінің қолдауымен іске асатыны айтылған. Осылайша ведомство отандық кино саласын дамытып, сырттан келетін ірі халықаралық жобаларға тұрақты түрде көмек көрсетіп келеді.