Джеки Чанның командасы Ақтауға келді

Әлеуметтік желілерде Джеки Чанның командасы Ақтауға келгені туралы видео тарады. Бұл ақпаратты Маңғыстау облысының әкімдігі ресми түрде растады, деп хабарлайды Politico.kz.

Жергілікті пабликтерде қаладағы қонақүйлердің бірінде әлемдік жұлдыздың команда мүшелері түсірілген болуы мүмкін видео жарияланды.

Әкімдіктің мәліметінше, делегация құрамында шамамен 15-20 адам бар. Қазіргі таңда нақты локациялар тізімі анықталған жоқ. Дегенмен, қарастырылып жатқан нысандар қатарында Бозжыра, Ақтау жағалауы және өңірдегі өзге де танымал орындар бар.

Еске салайық, 2025 жылдың қыркүйек айының соңында Джеки Чан Алматыға келген еді. Танымал актердің сол сапары қазақстандықтар арасында үлкен қызығушылық тудырған болатын.

Ақтау Джеки Чан кино шоу бизнес

Джеки Чанның командасы Ақтауға келді

Последние новости