Елімізде жаңа Конституция күні пайда болмақ — саясаттанушы

Саяси шолушы Ғазиз Әбішев Қазақстанда Конституция күні өзгеруі мүмкін екенін айтты, деп хабарлайды Politico.kz.

«Конституциялық комиссияның бірқатар мүшесі негізгі заңға енгізілген өзгерістердің ауқымын ескере отырып, жаңа Конституция қабылдау мәселесін қарастыруды ұсынуда. Бұл, өз кезегінде, референдумның нақты қашан өтетініне және оның нәтижелері қандай болатынына байланысты жаңа Конституция күнінің пайда болуына әкелуі мүмкін», – деп жазды Әбішев.

Айта кетейік, қазіргі таңда елімізде Конституция күні жыл сайын 30 тамызда аталып өтеді және ол – мемлекеттік мереке ретінде демалыс күні. 1995 жылы 30 тамызда республикалық референдумда елдің қолданыстағы негізгі заңы қабылданған еді.

Конституция Конституция күні Конституциялық комиссия Конституциялық реформа жөніндегі комиссия пікір саясаттанушы