Ең төменгі жалақы қашан өзгереді? 

Ең төменгі жалақы мөлшерін көтеру мәселесін депутаттар қазан айында қарастырады, деп хабарлайды Politico.kz.

Бұл туралы депутат Татьяна Савельева Ұүрылтай отырысынан кейін өткен брифингте айтты.

«Бюджет туралы заң жобасына қатысты бірінші оқылым 14 қазанда өтеді. Бірақ оған дейін біз шығыстардың, бюджеттің, бюджет тапшылығының және тағы басқа негізгі параметрлерін қарастырамыз. Ал 14 қазаннан кейін салыстырмалы кестені талқылауға кірісеміз», – деді Савельева.

Қазіргі уақытта ең төменгі жалақы мөлшері 85 мың теңге. Бұған дейін Ұлттық экономика бірінші вице-министрі Азамат Әмрин мөлшері 150 мың теңгеге артуы мүмкін екенін айтқан.

Әмрин бұл мәселе әлі талқыланатынын айтты. Оның сөзінше, есептеулер бар, алайда түпкілікті шешім қабылданбаған.