«Иранды жер бетінен жоямыз»: Трамп Иранға қайтадан соққы жасады
АҚШ президенті Дональд Трамп америкалық әскери күштердің Иран аумағындағы бірнеше нысанға әуе соққыларын жасағанын растады, деп хабарлайды Politico.kz
Трамптың айтуынша, АҚШ авиациясы Ирандағы зымырандар мен ұшқышсыз ұшу аппараттары сақталған қоймаларға, сондай-ақ жағалаудағы радиолокациялық жүйелерге соққы жасаған. Оның сөзінше, бұл әрекет Иранның атысты тоқтату туралы келісімді кезекті рет бұзуына жауап ретінде жүзеге асырылған.
Сонымен қатар АҚШ президенті Иранға қатаң ескерту жасап, егер Тегеран өз әрекетін тоқтатпаса, Вашингтон әскери операцияларды одан әрі күшейтуі мүмкін екенін айтты.
28 маусымға қараған түні АҚШ әскері Иран аумағындағы бірнеше әскери нысанға тағы да соққы жасаған. АҚШ Орталық қолбасшылығының (CENTCOM) мәліметінше, бұл шабуыл Иран күштерінің Ормуз бұғазында коммерциялық кемеге жасаған кезекті шабуылына жауап болған.
Әуе шабуылдары барысында әскери барлау инфрақұрылымы, байланыс жүйелері, әуе қорғанысы позициялары, дрон қоймалары және теңіз миналарын орналастыруға арналған құралдар нысанаға алынған.
Өз кезегінде Иранның Ислам революциясы сақшылар корпусы (КСИР) АҚШ-тың Кувейттегі әскери әуе базасы мен Бахрейндегі әскери-теңіз базасына соққы жасағанын хабарлады.
Соңғы жаңалықтар
