Катар инвестициялық агенттігі Қазақстанда ауылшаруашылық өнімдерін қайта өңдеу жобасын жүзеге асырмақшы

  Мемлекет басшысы Қасым-Жомарт Тоқаев Катар инвестициялық агенттігінің бас атқарушы директоры Мансур Ибрахим әл-Махмудты қабылдады, деп хабарлайды Әлемдегі ең ірі егеменді қорлардың бірі Мансур Ибрахим Әл-Махмудпен кездесу барысында бірлескен инвестициялық жобаларды жүзеге асыру және қаржы секторындағы өзара іс-қимыл мәселелері талқыланды. «Қасым-Жомарт Тоқаев Катар инвестициялық агенттігі мен «Самұрық-Қазына» қоры арасындағы өзара тиімді ынтымақтастық екі ел арасындағы экономикалық әріптестіктің негізгі қозғаушы күшіне айналуы мүмкін екенін атап өтті», - делінген Ақорданың хабарламасында. Мансур Ибрахим Әл-Махмуд Қазақстанның қаржы нарығына шығу, сондай-ақ ауыл шаруашылығы өнімдерін терең өңдеу жобасын жүзеге асыру жоспарлары туралы хабарлады. Сонымен қатар, әңгімелесушілер Астана халықаралық қаржы орталығында (АХҚО) Қазақстан-Катар тікелей инвестициялық қорын құру мүмкіндігін талқылады. Кездесу соңында мемлекет басшысы Катар инвестициялық агенттігінің бас атқарушы директорын Астана халықаралық форумына қатысуға шақырды. Бұған дейін Мемлекет басшысы Қасым-Жомарт Тоқаев Қазақстан-Катар инвестициялық дөңгелек үстеліне қатысты.