Кейбір құрылыс материалдары бойынша толық импортқа тәуелдіміз – министр

«Жайлы мектептер құрылысына отандық материалдарды қолдану мәселесін жуырда Үкімет отырысында арнайы қарастырдық. Жоба операторы «Samruk-Kazyna Construction» компаниясына қазақстандық құрылыс материалдарымен қамтуды ұлғайту жөнінде нақты тапсырмалар берілді. Бұл мәселе бақылауда, атқарылған жұмыстар бойынша есеп беру күнін, Үкіметтің тағы бір кеңес өткізуді белгіледік. Менің ойымша, жазға жақын, бұл жұмыстың нәтижесін егжей-тегжейлі қарастырамыз және бағасын береміз», - деді Нұрлан Байбазаров Үкімет отырысынан кейін өткен баспасөз мәслихатында.

«Құрылыс саласында кейбір материалдар бойынша бізде толық импортқа тәуелділік бар. Әзірге импортқа тәуелділік бойынша біз ештеңе істей алмаймыз. Бірақ, бұл бағыттағы инвестициялық жобаларға назар аударамыз», - дейді ол.