Қоспаевтың қымбат көліктері мемлекетке өтпек

Nege.Aqsha дерегінше, қылмыстық топ жетекшісі ретінде сотталған Елдос Қоспаев пен оның жұбайы Айжан Қоспаеваға тиесілі қымбат автокөліктер мемлекет қарамағына берілмек.

Аталған көліктер аукцион арқылы мемлекеттік органдардың меншігіне өткізіледі. Бұл тәртіп бойынша автокөліктер жеке тұлғаларға сатылмайды, керісінше мемлекеттік мекемелер мен әлеуметтік сала ұйымдарының пайдалануына берілуі мүмкін.

Аукцион тізіміне енгізілген көліктер қатарында:

• 2021 жылғы Land Rover Range Rover (бағасы шамамен 61 млн теңге);
• 2020 жылғы Toyota Land Cruiser 200 (36,6 млн теңге);
• 2019 жылғы Land Rover Range Rover Sport (40 млн теңге);
• 2020 жылғы Mercedes-Benz AG G 63 (84,5 млн теңге), бұрын Коспаевтың қызына тиесілі болған.

Қазіргі уақытта аталған мүлікті мемлекетке өткізу рәсімдері жүргізілуде.