«Маған бомбалау ұнамайды»: Трамп Ресейге үндеу жасады

Дональд Трамп Ресеймен келіссөздер жүргізіп жатқанын мәлімдеді

АҚШ Ресей Федерациясымен Украинадағы соғысты тоқтату туралы келіссөздерді жалғастырып жатыр, деп хабарлайды POLITICO.KZ.

Бұл туралы Ақ үй басшысы Дональд Трамп Air Force One ұшағында журналистермен әңгіме барысында мәлімдеді.

«Біз Ресеймен сөйлесіп жатырмыз және олар бұл соғысты тоқтатса дейміз. Маған бомбалау ұнамайды. Бұл шабуылдар әлі жалғасып жатыр. Әр апта сайын мыңдаған жас адамдар қаза табуда. Бұл сұмдық жағдай. Егер мен сол кезде президент болғанда, бұл соғыс ешқашан басталмас еді», – деді Дональд Трамп.