"Маңғыстау – Алматы" пойызында заңсыз жүк табылып, тексерушіге шабуыл жасалды

"Қазақстан Темір Жолы" ұлттық тасымалдаушысының мәліметінше, Маңғыстау – Алматы бағытындағы пойызда 108 килограмм заңсыз жүк табылды, деп хабарлайды POLITICO.KZ.

Жүкке қатысты тексеру жүргізген бақылаушыға пойыздың проводнигі мен басшысы қарсылық көрсетіп, физикалық күш қолданған.

"Тексеру барысында пойыз бригадасының қызметкерлері бақылаушыға қатысты балағат сөздер айтып, шабуыл жасаған. Қазіргі уақытта қызметкерге жеңіл дене жарақатын келтіру фактісі бойынша қылмыстық іс қозғалды," – делінген ҚТЖ баспасөз қызметінің хабарламасында.

Оқиғадан кейін проводникпен еңбек шарты бұзылды. Тергеу жүргізіліп жатыр.