Маңғыстауда мұнай кен орнында өрт шықты

9 тамыз 2026, 15:22 774

Маңғыстау облысындағы Құлжан мұнай кен орнында өрт болып, оқиғаның мән-жайы белгілі болды, деп хабарлайды Politico.kz.

Өрт 7 тамызда «Meerbusch» ЖШС-нің мұнай қабылдау пунктінде болған. Алдын ала мәлімет бойынша, сыйымдылығы 2 мың текше метр болатын резервуардың түбіндегі шөгінділерді тазалау кезінде цементтеу агрегатынан өрт шыққан. Сол сәтте резервуар бос болған.

Оқиға салдарынан зардап шеккендер жоқ. Қазір нысан штаттық режимде жұмыс істеп тұр.

Маңғыстау облысының Экология департаментінің мәліметінше, алдын ала есеп бойынша айтарлықтай материалдық шығын анықталмаған. Сондай-ақ мұнайдың технологиялық жабдықтан және нысан аумағынан тыс жерге төгілуіне жол берілмеген.

Өрттің нақты себебі, келтірілген залал көлемі және оқиғаға құқықтық баға беру нысанды тексеру жұмыстары аяқталғаннан кейін анықталады.

Ақтауда көпқабатты үй маңынан әйелдің мәйіті табылды

“Кінәлілер жазасын алады”: Ақмарал Әлназарова Маңғыстаудағы бала өліміне қатысты мәлімдеме жасады

Маңғыстау Мұнай мұнай кен орны Өрт

Бізді Google-дың негізгі дереккөздер тізіміне қосыңыз

Қосу