"Миы шайқалып, сүйегі сынған": Алматы облысы әкімінің орынбасары ауыр жол апатына түсті

Алматы облысы әкімінің орынбасары жол апатына түсті

8 шілде күні Алматы облысы әкімінің орынбасары Әсет Масабаев жол-көлік апатына ұшырады. Оқиға өңірдегі тас жолдардың бірінде орын алған.

Апат салдарынан Әсет Масабаев ауыр жарақат алып, Алматы облыстық көпсалалы клиникалық ауруханасына шұғыл жеткізілді. Дәрігерлердің мәліметінше, оған ми шайқалуы диагнозы қойылған. Сонымен қатар кеуде қуысы ағзаларының жабық жарақаты, қабырғалардың көгеруі мен сынуы анықталған.

Алматы облысының денсаулық сақтау басқармасы таратқан соңғы ақпаратқа сәйкес, әкім орынбасары есін жиып, қазіргі жағдайы тұрақты деп бағалануда.

Оқиғаға байланысты тиісті тексеру жұмыстары жүргізіліп жатыр.