«Нағыз ауылдың келіні»: Динара Сәтжанның Сарыағаштағы бейнесі жұртты сүйсіндірді

Әлеуметтік желілерде Динара Сәтжанның Сарыағашта қарбыз жеп отырған видеосы кеңінен таралып, көпшіліктің ыстық ықыласына бөленді, деп хабарлайды POLITICO.KZ

Қысқа бейнежазба бірден назар аудартып, желі қолданушыларына көтеріңкі көңіл күй сыйлады. Көпшілік оны шынайылығы мен қарапайым болмысын ерекше атап өтті.

Белгілі болғандай, Динара Сәтжан жұбайының туған жері — Сарыағаш ауданы, Сіргелі ауылына кіреберістегі арканың ашылу салтанатына қатысқан. Ол бұл шарада ауыл келініне тән қарапайым образда ел алдына шығып, көптің көңілінен шықты. Табиғи қалпы, ауыл өміріне жақын бейнесі арқылы ол ұлттық дәстүр мен қарапайымдылықтың көркем көрінісін көрсете алды.

Желі қолданушылары видеоны қызу талқылап, пікірлерін жарыса жазды.

«Образды өлтіріп жіберіпті», «Нағыз ауылдың келіні болып қалыпты ғой», «Оңтүстіктің келіні болған жарасады» деген сынды жылы лебіздер көптеп кездеседі.