Несие алушыларға жаңа шарт: Енді несие алу үшін жұбайдың келісімі қажет болады

Қазақстанда 3 932 000 теңгеден асатын несие алу үшін жұбайдың келісімі қажет болады

Қазақстанда енді банктер мен микроқаржы ұйымдары 3 932 000 теңгеден жоғары сомаға несие рәсімдеген кезде қарыз алушының жұбайынан міндетті түрде келісім алуы тиіс. Бұл талап ерлі-зайыптылар арасындағы қаржылық жауапкершілікті күшейту және отбасылық мүдделерді қорғау мақсатында енгізілуде.

Алайда аталған ереже мынадай жағдайларда қолданылмайды:

• Егер жұбайы бірге несие алушы (созаемщик) ретінде көрсетілсе;
• Егер берілетін несие қолданыстағы несиені қайта қаржыландыруға бағытталса (ішкі рефинанс).

Қаржы нарығын реттеу және дамыту агенттігі бұл норманы енгізуді көздейтін қаулы жобасын жария талқылауға шығарды.