Оралда көлік бағанаға соғылып, 21 жастағы жігіт мерт болды

9 қыркүйек 2025, 14:27 955

Оралда көлік бағанаға соғылып, 21 жастағы жігіт мерт болды — Сурет: Бейнеден кадр

Оралда жарық бағанасына соғылған көлік аударылып, бір адам мерт болды, деп хабарлайды POLITICO.KZ.

Қайғылы оқиға 9 қыркүйекке қараған түні, сағат бір жарым шамасында Күлтегін көшесінде болған. «ВАЗ-2114» автокөлігінің 19 жастағы жүргізушісі рульге ие бола алмай, жол шетіндегі жарықтандыру бағанасына соғылған.

Полиция мәліметінше, соққының қатты болғаны сонша, темір бағана жерге құлаған. Ал көлік соқтығысқаннан кейін аударылып, жол шетіндегі жыраға ұшып кеткен.

Көлікте болған 21 жастағы жолаушы ауруханаға жеткізілгеннен кейін алған ауыр жарақаттарынан көз жұмды.

Көлік жүргізушісі ұсталып, уақытша ұстау изоляторына қамалды. Аталған факті бойынша қылмыстық іс қозғалды.