Оралда мектеп оқушыларынан ақша бопсалаған қыздар ұсталды

Оралдық екі тұрғынға қатысты бірнеше қылмыстық іс қозғалды, деп хабарлайды POLITICO.KZ.

Полиция мәліметі бойынша, күдіктілер өткен жылдың қазан айында колледж студентінен 40 мың теңгені мәжбүрлі түрде шотынан аудартып алған. Сондай-ақ, олар мектеп оқушылары мен колледж студенттерінен ақша бопсалап, заттарын ұрлаған.

Тергеу барысында күдіктілердің басқа да ұқсас қылмыстарға қатысы бар-жоғы анықталуда.

«Қазіргі уақытта күдіктілер қамауға алынып, тергеу изоляторына орналастырылды. Оларға қатысты қылмыстық іс қозғалып, тергеу амалдары жүргізілуде», – деп хабарлады полиция департаменті.

Жергілікті билік пен құқық қорғау органдары ата-аналар мен мұғалімдерді балалардың қауіпсіздігіне ерекше назар аударуға шақырып отыр.