«Өтелмес борышым бар»: Жұлдыз Әбдікәрімова анасына ерекше сыйлық тарту етті

Қайрат Нұртастың әйелі белгілі актриса Жұлдыз Әбдікәрімова анасына күтпеген сыйлық жасады, деп хабарлайды Politico.kz.

Жұлдыз Әбдікәрімова анасына су жаңа пәтерді тарту етті. Ол бұл сәтті желідегі парақшасында жазды.

Актриса анасына сыйлығын немерелерімен бірге табыстаған.

«Бұл күнге ұзақ дайындалдым. Көп күттім, армандадым, қатты қаладым. Осы сәт үшін шаршамай еңбек еттім. Шүкір. Таңертең анашымды таңғы асқа деп алдап алып шықтық. Маған әлемнің жарығын сыйлаған анашыма қандай сыйлық тарту етсем де, өтелмес борышым бар деп білемін», — деп жазды Жұлдыз өзінің әлеуметтік желідегі парақшасында.