Павлодарда өрттен 6 адам көз жұмды

Солнечный кентінен 7 км қашықтықта орналасқан шаруа қожалықтарының бірінің аумағында өрт болды, деп хабарлайды POLITICO.KZ.

Өрт сөндіру барысында 27 литрлі 8 газ баллоны шығарылды. 

Қызыл жалынды сөндіруге ТЖД жеке құрамының 30-ға жуық адамы және 10 техникасы жұмылдырылды.

Құтқарушылар келгеннен кейін тұрғын үй толығымен өртке оранғаны анықталды. Өрт салдарынан шатыр жартылай құлаған. Жалын сонымен қатар іргелес қосалқы құрылыстарға таралып, жалпы ауданы 920 шаршы метрді қамтыды.

Өрт кезінде үйде 7 адам болған. Олардың бірі 1972 жылы туған ер адам өз бетінше сыртқа шықты. 

Ол медициналық мекемеге жеткізілді. 

Оқиға орнында қаза тапқан алты адамның денесі табылды.

Олардың кім екені анықталып жатыр.