Петропавлдың тергеу изоляторында тұтқын өзін өртеп жіберді

Петропавлда тұтқын өзін-өзі өртеп жіберді. Ол аяғына дәретхана қағазын ораған, деп хабарлайды POLITICO.KZ. 

Қайғылы жағдай кеше, 11 маусым күні 19:00 шамасында болды. 37 жастағы ер адам аяғына дәретхана қағазын орап, оны өртеген. Тұтқын көпсалалы қалалық ауруханаға дереу жеткізілді. Оның екі жамбасы мен аяғын екінші дәрежелі күйік шалды. 

Ер адамның неліктен мұндай қадамға барғаны әлі белгісіз. СҚО бойынша қылмыстық-атқару жүйесі департаменті кісі өлтірді деген күдіктінің Петропавл тергеу изоляторында өртеу әрекетін жасағанын растады. ҚАЖД жақын арада болған оқиғаға түсініктеме беруге уәде берді.  

Тұтқынның бұрын да сотталғаны белгілі болды. Ал қазір ол ҚР ҚК-нің 99-бабы «Кісі өлтіру» бойынша жауапқа тартылып жатыр екен.