Президент 4 ай бұрын тағайындалған қорғаныс министрінің орынбасарын қызметтен босатты
Мемлекет басшысының өкімімен Серік Жақсығалиұлы Борамбаев Қазақстан Республикасы Қорғаныс министрінің орынбасары қызметінен босатылды, деп хабарлайды Politico.kz
Вице-адмирал Борамбаев аталған жауапты қызметте небәрі 4 ай ғана жұмыс істеп үлгерген. Ол бұл орынға 2025 жылдың 15 тамызында тағайындалған болатын.
Борамбаев Серік Жақсығалиұлы - Павлодар қаласының тумасы 1969 жылы 16 сәуірде дүниеге келген.
Жалпы ақпарат, білімі
1) 1986 ж. – Алматы қ., РОМИ;
2) 2009 ж. – Атырау Мемлекеттік университеті (сырттай) әскери;
1) 1990 ж. – Киев жоғары саяси әскери-теңіз училищесі;
2) 2007 ж. – РФ ҚМ әскери университеті;
3) 2010 ж. – РФ ҚМ әскери университетінің Адъюнктурасы (сырттай);
4) 2015 ж. – Ұлттық қорғаныс университеті жанындағы академиялық курстар;
5) PhD докторы ғылыми атағы бар.
Әскери шені: генерал-майор (2021).
Әскери шені: вице-адмирал (2025).
Мансап
1990 жылы Киев жоғары әскери-теңіз саяси училищесін бітірген;
2016 жылы ІІ дәрежелі "Айбын" ордені мемлекеттік наградасымен марапатталды;
Отбасы жағдайы: үйленген, 3 баласы бар;
1990-1992 жылдар аралығында Қызыл тулы Каспий флотилиясының әскери бөлімдерінде әскери қызметін атқарды;
1992-2004 жылдар аралығында жергілікті әскери басқару органдарында әскери қызметін атқарды;
2004 жылдың ақпан айынан 2005 жылдың тамыз айына дейін институт бастығының тәрбие және әлеуметтік-құқықтық жұмыстар жөніндегі орынбасары – ҚР ҚМ Әскери-теңіз институтының тәрбие және әлеуметтік-құқықтық жұмыстар бөлімінің бастығы;
2005 жылдың тамыз айынан 2007 жылдың маусым айына дейін РФ ҚМ әскери бөлімінің тыңдаушысы;
2007 жылдың маусымнан 2008 жылдың қаңтарға дейін "Батыс" өңірлік қолбасшылығы әскерлері қолбасшысы басқармасының аға офицері»;
2008 жылдың қаңтарынан 2011 жылдың мамырына дейін институт бастығының тәрбие және әлеуметтік-құқықтық жұмыстар жөніндегі орынбасары, институт бастығының орынбасары – Әскери-теңіз институты штабының бастығы;
2011 жылдың мамыр айынан 2013 жылдың шілде айына дейін 29011 әскери бөлімінің командирі – ҚР ҚК Әскери-теңіз күштері бас қолбасшысының орынбасары;
2013 жылдың тамыз айынан 2014 жылдың қазан айына дейін ҚР ҚК Әскери-теңіз күштері бас қолбасшысының бірінші орынбасары – Бас штаб бастығы;
2014 жылдың қазан айынан бастап 2015 жылдың шілде айына дейін ҰҚУ жанындағы БШФ АК тыңдаушысы;
2015 жылдың шілдесінен 2016 жылдың қазан аралығында Әскери-теңіз күштері бас қолбасшысының орынбасары (тәрбие және идеологиялық жұмыстар бойынша) – ҚР ҚК Әскери-теңіз күштері бас қолбасшысының басқармасы тәрбие және идеологиялық жұмыстар бөлімінің бастығы;
2016 жылдың қазанынан 2019 жылғы маусым аралығында ҚР ҚМ Ақпарат және коммуникация департаментінің бастығы;
2019 жылдың маусымы мен қараша айлары аралығында ҚР ҚК Бас штабының тәрбие және идеологиялық жұмыстар департаментінің бастығы.
2019 жылдың қарашасынан 2022 жылғы шілдеге дейін Бас штаб бастығының орынбасары – ҚР ҚК Бас штабы Тәрбие және идеологиялық жұмыстар департаментінің бастығы;
2022 жылдың шілдесінен 2023 жылғы ақпанға дейін Қазақстан Республикасы Қорғаныс министрлігі Тәрбие және идеологиялық жұмыс департаментінің бастығы;
2023 жылдың ақпаннан 2024 жылдың маусымға дейін Аумақтық қорғаныс департаментінің бастығы - ҚР ҚК Бас штабы бастығының орынбасары;
2024 жылғы 25 маусымда Мемлекет басшысының Өкімімен Қазақстан Республикасы Қарулы Күштері Әскери-теңіз күштерінің бас қолбасшысы болып тағайындалды;
2025 жылғы 15 тамызда Мемлекет басшысының Өкімімен Қазақстан Республикасы Қорғаныс министрінің орынбасары болып тағайындалды;
2025 жылғы 24 желтоқсанда Мемлекет басшысының Өкімімен Қазақстан Республикасы Қорғаныс министрінің орынбасары лауазымынан босатылды.
Соңғы жаңалықтар
